| Hizkuntza: euskara, gaztelania |
DIPCk, CIC nanoGUNEk, CFMk eta POLYMATek indarrak batuko dituzte stand horretan, helburu komun batekin: materialen izaera arautzen duen zientzia jende guztiari hurbiltzea.
Aplikazio anitzeko material adimendun berriak garatzeko funtsezkoa da materiaren propietateak ezagutzea, haren fisika ikuspuntu esperimental eta teorikotik aztertzea, nanoeskalan mugituz.
Txoko honetan, material “berri” horien atzean dagoen unibertso zientifikoa irudikatzeko balio diguten erakustaldiak eta esperimentuak aurkeztuko ditugu. Nanozientziaren, polimeroen ingeniaritzaren eta, oro har, materialen fisikaren aurrerapen zientifikoari esker guregana iristen diren propietate liluragarriak dituzten materialak ezagutuko ditugu.
