Landareen Biologia eta Ekologia Saila
Zientzia eta Teknologia Fakultatea
Ikertzailea: José María BECERRIL SOTO
Bizkaiko Campusa
Klima-aldaketa gure biodibertsitatearen galera eta beste espezie exotiko batzuen agerpena eragiten duen faktore nagusietako bat da. Mendian edo hondartzan zaude, eta zuk ikusten ez badituzu ere, animalia asko zurekin daude. Zuk ez dituzu ikusten baina haiek zu ikusten zaituzte. Gure ingurunean zer animalia dauden jakin dezakegu arrasto, aztarna eta seinaleak uzten dituztelako eta, gu, ikertzaile on gisa, identifika ditzakegu. Bisitatzen dituzun lekuetan dauden animaliak ezagutzeko esploratzaile bihurtu nahi duzu? Eman izena tailer honetan eta jakin ahal izango duzu zure ingurunean urtxintxak, landa-saguak, azeriak, basurdeak, orkatzak, hegaztiak dauden edo gure espezie autoktonoen biodibertsitatea arriskuan jartzen duten beste espezie exotiko eta inbaditzaile batzuk dauden.