Ikertzailea: Inés ARANA BASABE
Immunologia, Mikrobiologia eta Parasitologia Saila
Zientzia eta Teknologia Fakultatea
Bizkaiko Campusa
| Eguna: 2022ko azaroaren 13a, igandea Ordua: 9:00-9:45 Lekua: Bizkaia Aretoa. Elhuyar aretoa Hizkuntza: euskara, gaztelania Publikoa: + 12 urte Iraupena: 45’ |
Bakterioek, birusek eta onddoek oso ospe txarra dute, batzuetan arrazoiz eta bestetan arrazoirik gabe. Arrazoiz, askotan gaixotasunen edo epidemien sinonimo direlako. Arrazoirik gabe, mikroorganismoak beharrezkoak direlako bizitzarako: mikroorganismorik gabe, gure planeta ez litzateke existituko ezagutzen dugun bezala.
Mikroorganismoak langile espezializatu finak dira, guretzat beharrean dihardutenak gau eta egun. Elikagaiak eta medikamentuak sortzen dituzte, ur zikinak garbitzen dituzte, material berriak egiten… Eta, hala ere, askotan ez gara ohartzen zenbat laguntzen diguten eguneroko bizitzan. Saiatuko gara mikroorganismoen iduri txarra baztertzen, eta haien onurak estimatzen ikasten.
Egunero erabiltzen diren hainbat produktu aurkeztuko dira (elikagaiak, botikak, garbigarriak, etab.), edo gaixotasun kronikoak (glukosaren testa, intsulina) edo nekazaritzarako erabiltzen direnak (biopestizida). Halaber, ikusizko aurkezpena egingo da (hondakin-urak tratatzeko instalazioa, terapia genikoa, transgenikoak eta abar) bertaratutako jendeak adieraz dezan produktuak/jarduerak/ tratamenduak diren, osorik edo osagairen bat, mikrobio-jatorrikoak edo ez. Haien erantzunetatik abiatuta, mikroorganismoekin dugun harreman estua eta haien “lanarekiko” dugun mendekotasuna ulertuko ditugu.