Ikertzailea: Igor FERNÁNDEZ DE BUSTOS
Ingeniaritza Mekanikoa Saila
Bilboko Ingeniaritza Eskola
Bizkaiko Campusa
| Lekua: Bizkaia Aretoa. Chillida aretoa Hizkuntza: euskara, gaztelania Publikoa: guztientzat Iraupena: 15’ |
Txokoan motozikleta oso bat, motor solteko zenbait elementu eta Motostudent Bizkaia proiektuaren garapenari, fabrikazioari eta abiarazteari buruzko bideo bat erakutsiko dira, lehiaketan parte hartzea barne. Motozikleten diseinuan eta fabrikazioan agertzen diren arazoak azalduko zaizkie parte-hartzaileei, baita xasisari, balazta-sistemari, transmisio-sistemari, proiektuaren kudeaketari, telemetriari, mekanikari eta Motostudent lehiaketaren berezitasunei buruzko informazio interesgarria ere.
Motostudent Bizkaia taldea Bilboko Ingeniarien Goi Eskola Teknikoko ikasle talde batek osatzen du. Irakasle baten tutoretzapean, Motostudent lehiaketan babestu, diseinatu, eraiki, doitu eta parte hartzen dute.
Bi urtetik behin egiten den nazioarteko lehiaketa honetan Europa osoko taldeek parte hartzen dute, baita beste kontinente batzuetakoek ere. Erronka handia da ikasleentzat, eta enpresan sartu aurretik prestakuntza hobetzeko aukera ematen du. Bilboko Ingeniaritza Eskolako proiektuak ikuspegi praktiko handia du: motozikletaren ehuneko handi bat eskolan bertan egiten da, eta Elorrieta Erreka-Mari Lanbide Heziketako Institutuaren laguntza du.
Txokoak taldearen funtzionamenduari buruzko informazio guztia erakutsi nahi du, jarduera horietako batzuk biltzen dituen bideo bat eta aurreko deialdietako motozikleta bat.