Ikertzailea: Inés ARANA BASABE
Immunologia, Mikrobiologia eta Parasitologia Saila
Zientzia eta Teknologia Fakultatea
Bizkaiko Campusa
| Lekua: Bizkaia Aretoa. Etxepare aretoa Hizkuntza: euskara, gaztelania Publikoa: guztientzat Iraupena: 15’ |
Biodibertsitatea izaki bizidunen aniztasuna da. Bere baitan hartzen ditu landareak, animaliak, onddoak, mikroorganismoak, ekosistemak… bai eta ekosistemok dauden herrialde edo eskualdeak ere. Milioika urteko eboluzioaren emaitza da, hala prozesu naturalen nola gizakien eragin gero eta handiagoaren ondorioa.
Klima-aldaketak ekosistemak aldatzen ditu eta biodibertsitateari eragiten dio. Gure lurraren eboluzioan zehar sortu den biodibertsitate hori.
Honelako galderei erantzuten saiatuko gara: zer da bilakaera eta nola funtzionatzen du? Nola egokitzen dira espezieak ingurunera? Nola sortzen dira espezieen karaktereak banakoen arteko desberdintasunetatik abiatuta? Nola aldatzen dira populazio naturalak denboran zehar? Nola sortu da ornodunen lokomozio-sistema? Nola eboluzionatu zuen gizakiak? Bilakaera horrek jarraitzen al du? Zein da mikroorganismoen aniztasuna? Zein da mikroorganismoen eginkizuna ingurunean? Nolakoa da lore bat? Nola eboluzionatu dute intsektuak erakartzeko? Nola laguntzen diote biodibertsitateari?
Landare eta animalia-ereduak aurkeztuko dira (handituak eta desmuntagarriak), garezur-ereduak, kultibo-plakak, mikroskopio bat… azalpenekin eta material grafiko desberdinarekin batera. Gainera, mikroorganismoen prestakuntzak erakutsiko dira, ereduak erabiliz haien morfologiaren arabera identifika daitezen.