Ikertzailea: Eider BILBAO CASTELLANOS
Zoologia eta Animalia Zelulen Biologia Saila
Zientzia eta Teknologia Fakultatea eta Plentziako Itsas Estazioa
Bizkaiko Campusa
| Eguna: 2022ko azaroaren 13a, igandea Ordua: 9:30 Hizkuntza: euskara, gaztelania Publikoa: + 14 urte Iraupena: 180’ Topalekua: autobusa Frantzia pasealekuko 22an, Donostia (Renfe tren-geltokiaren parean) |
Itsasoko zaborra ingurumenean dugun arazo larrienetako bat bihurtu da. Itsas zaborren % 70a plastikoa dela kalkulatzen da eta arazo horri, material hauen iraunkortasuna gehitu behar zaio.
Arazoa globala da, eta Bizkaiko Golkoa ez da salbuespena, izan ere, Bizkaiko Golkoa maila altuko metatze gune gisa deskribatu da, bere ozeanografia fisiko bereziagatik, ibaien presentziagatik eta biztanleria dentsitate altuagatik.
Horrela, plastikoek piztu duten kezka handia da eta makroplastikoak (2,5 cm – 1 m) jasotzeko kanpaina ugari egiten da; horren erraz ikusten ez diren eta organismoentzat eskuragarriagoak diren nano- (<100 nm) mikro- (≤5 mm) eta mesoplastikoak (5 mm eta 2,5 cm artean) ordea, ez dira hainbeste lantzen.
Mater Ontzi Museo Ekoaktiboa eta zientzilariak uztartuta, ikusten ez ditugun mikroplastikoek gure itsasoko uretan duten presentzia, sortu ditzaketen kalteak eta aurrera begirako irtenbideak landu nahi dira, itsasoan egingo den esperientzia praktiko eta herritar batean.