Ikertzaileak: Oihane DIAZ DE CERIO ARRUABARRENA eta Mireia IRAZOLA DUÑABEITIA
Zoologia eta Animalia Zelulen Biologia Saila
Zientzia eta Teknologia Fakultatea
Bizkaiko Campusa
| Eguna: larunbata, azaroak 12, 2022 Ordua: 11:15- 13:15 Lekua: Bizkaia Aretoa. Barandiaran aretoa Hizkuntza: euskara Publikoa: 8-10 urte Iraupena: 120’ |
Aurkezten den tailer honen helburua itsasoaren azidotzea zer den eta zein eragina duen aztertzea izango da. Horretarako haurrek ikertzaileen laborategiko mantala jarri eta ikerketa zientifiko bat egingo dute. Lehendabizi, itsaso uraren azidotasuna neurtzeko adierazlea prestatuko dute, eta ondoren berau erabilita ur-azido edota basikoak aztertuko dituzte, pH kontzeptua ikasteko. Bestetik, itsaso uraren pH aldaketak bibalbioen maskorretan zein eragin duen aztertuko dute. Maskorrak azidotasun maila ezberdineko uretan murgildu ostean (ozpin kantitate ezberdineko urak), hainbat behaketa (lupa erabiliz) eta neurketa (pisaketak) egin beharko dituzte. Denboraren poderioz maskorren lodierak gora egingo al du? Ala maskorrak findu egingo dira? Auskalo.